Presidenti gjerman, Frank-Walter Steinmeier, ka shpërndarë Parlamentin dhe ka caktuar zgjedhje të reja për më 23 shkurt, pas shpërbërjes së koalicionit qeveritar të udhëhequr nga kancelari Olaf Scholz. Kancelari Scholz humbi një votëbesimi më 16 dhjetor, duke lënë qeverinë të drejtuar nga ai si një qeveri pakicë. Koalicioni i njohur si “semafori”, që përbëhej nga tre parti, u shpërbë më 6 nëntor pas shkarkimit të ministrit të financave.
Pasi koalicioni i qeverisë humbi besimin, liderët e partive kryesore ranë dakord për mbajtjen e zgjedhjeve të parakohshme, të cilat do të zhvillohen më 23 shkurt, shtatë muaj më herët se sa ishte parashikuar. Sipas Kushtetutës gjermane, presidenti ka pasur një afat prej 21 ditësh për të marrë këtë vendim. Pas shpërndarjes së Parlamentit, zgjedhjet duhet të zhvillohen brenda 60 ditëve.
