30 mijë trupa në Ukrainë, zbulohet plani i BE-së për të ndaluar paktin Rusi-SHBA

Përditësimi i fundit: 18 Shkurt, 2025 11:04 am

152 Shikime

2 Min. Leximi

30 mijë ushtarë nga vendet e Bashkimit Europian janë gati të zbarkojnë në Ukrainë.

Burime për median e njohur amerikane po marrin në konsideratë këtë projekt në mënyrë që të parandalojnë në minutë të fundit një pakt të fshehtë midis Rusisë dhe Shteteve të Bashkuara në dëm të Ukrainës.

Plani evropian do të kërkonte një forcë “parandaluese” të disa brigadave, ndoshta 25,000-30,000 ushtarë, të cilët nuk do të vendoseshin përgjatë vijës së frontit me Rusinë, por do të ishin gati të ndërhynin si një shfaqje force nëse forcat ruse do të përpiqeshin të rifillonin luftën.

Kërkesat evropiane nga SHBA do të përfshijnë aftësitë e inteligjencës, mbikëqyrjes dhe zbulimit, si dhe mbulimin e mundshëm ajror ose një lloj ndihme të mbrojtjes ajrore për të mbrojtur forcën, raportuanburimet, të cilët ranë dakord se mbështetja e SHBA do të ishte vendimtare.

Sakaq Ukraina dëshiron që Evropa të caktojë sa më shpejt një përfaqësues për negociatat e mundshme të paqes me Shtetet e Bashkuara dhe Rusinë, tha Ihor Zhovkva, nënkryetari i zyrës së Volodymyr Zelensky, sipas Bloomberg.

“Duhet të jetë një vendim i marrë shpejt. Shpresoj menjëherë pas takimit të Parisit. Ne duhet të veprojmë, jo të reflektojmë,” tha Zhovkva.

Marrë nga Balkanweb.com