Të shtëna me armë zjarri janë raportuar pasditen e kësaj të hëne në fshatin Zhejë të Laçit. Një 67-vjeçar i identifikuar si Dod Mamli është vrarë në afërsi të banesës së tij.
67-vjeçari u ekzekutua nga persona ende të paidentifikuar, ndërkohë paraprakisht dyshohet se ngjarja mund të ketë ndodhur për motive hakmarrje.
Kjo është pista kryesore ku po heton policia, pasi djali i viktimës, Enrik (Elton) Mamli, në vitin 2015 ka vrarë Naim Tafën në Mamurras, ndërsa një pistë tjetër ku po heton policia është edhe një konflikt pronësie.
Nuk dihen ende rrethanat se si është vrarë 67-vjeçari, ndërkohë Policia vijon hetimet për zbardhjen e plotë të rrethanave të rastit, ndërsa janë ngritur edhe pika kontrolli për kapjen e autorëve.
Marrë nga Dosja.al
