Laburistët pritet të fitojnë zgjedhjet e djeshme të përgjithshme në Britaninë e Madhe, me një shumicë prej 170 votash, sipas exit poll-eve të publikuara.
Konservatorët parashikohet të bien në 131 deputetë, numri i tyre më i ulët në historinë e pasluftës.
Partia Kombëtare Skoceze do të shohë që numri i saj i deputetëve të bjerë në 10 dhe Reforma në Mbretërinë e Bashkuar parashikohet të marrë 13 deputetë, sipas exit poll-eve.
Partia e Gjelbër e Anglisë dhe Uellsit parashikohet të dyfishojë numrin e saj të deputetëve në dy dhe Plaid Cymru do të marrë katër deputetë.
Të tjerët parashikohet të marrin 19 vende.
Exit poll, i mbikëqyrur nga Sir John Curtice dhe një ekip statisticienësh, bazohet në të dhënat e votuesve në rreth 130 qendra votimi në Angli, Skoci dhe Uells, ndërsa sondazhi nuk mbulon Irlandën e Veriut.
Sipas BBC, në pesë zgjedhjet e fundit të përgjithshme, exit poll-i ka qenë i saktë në një interval prej 1.5 dhe 7.5 vendesh.
