Lëvizja Vetëvendosje është shprehur e sigurt se do ta formojë qeverinë e re, pa përjashtuar mundësinë e krijimit të koalicioneve.
“Sigurisht që në një kohë të tillë, gjithmonë formimi i institucioneve është një pyetje që nuk mund të tejkalohet. Unë mund të them që LVV-ja si forcë politike që tejkalon edhe fuqinë politike të dy partive të tjera që vijnë me radhë, sigurisht që do të formojë Qeverinë Kurti 3 dhe nuk ka asnjë alternativë tjetër se si do të ndodhte ndryshe me këto rezultate të zgjedhjeve”, tha Rizvanolli në një intervistë për RTK.
E pyetur nëse LVV-ja do ta formojë qeverinë e vetme, ajo tha se nuk mund të flasë për këtë çështje momentalisht.
“Kjo nuk është diçka për të cilën unë mund të them momentalisht”, u përgjigj ministrja në largim.
Marrë nga RTKlive.com
