Spanjë-Angli është finalja e madhe e Europianit “Gjermani 2024”, e cila do të luhet në Berlin.
“La Roja” vjen me 6 fitore radhazi, duke mposhtur në grup Kroacinë 3-0, Italinë 1-0 dhe Shqipërinë 1-0, ndërsa në fazën me eliminim direkt ka mundur Gjeorgjinë 4-1, Gjermaninë në çerekfinale 2-1 dhe Francën në gjysmëfinale 2-1.
Nga ana tjetër, “Tre Luanët” nuk kanë treguar shumë, teksa në grup kanë mundur Serbinë 1-0, kanë barazuar me Danimarkën dhe Slloveninë (1-1 dhe 0-0). Ndërsa në fazën e 1/8-ave kanë mundur Sllovakinë 2-1 pas kohës shtesë, kanë mundur vetëm falë penalltive Zvicrën dhe fituan mbrëmë përballë Holandës, në gjysmëfinale, me rezultatin 2-1, me gol në minutën e ,90.
Kështu që shënoni datën në kalendar, me takimin Spanjë-Angli që do të luhet më 14 korrik në Berlin, në orën 21:00.
