Mesfushori shqiptar Keidi Bare është zyrtarisht lojtari i Real Zaragozas që është bashkuar me skuadrën e La Liga 2, pas një eksperience të gjatë te Espanyol ku qëndroi për katër vite.
Zaragoza, përforcohet kështu në mesin e fushës, me një lojtar që prej kohësh e kishte në listën e dëshirave. Keidi Bare ka luajtur në sezonin e fundit 39 ndeshje në kampionat, duke qenë kështu një shtyllë e rëndësishme për skuadrën.
“Real Zaragoza siguron shërbimet e një mesfushori me shumë përvojë, i cili do të kontribuojë me dozën e tij të talentit dhe punës për të ndihmuar objektivat e Zaragozës”, shkruan klubi.
Lojtari ka nënshkruar për tre sezone me klubin e Real Zaragoza.
Debutimi i tij zyrtar mund të vijë me 16 gusht, në ndeshjen si mysafir ndaj Cadiz.
