Nga Nicolas Azam
Natën mes së premtes dhe të shtunës, më 31 janar, doganierët ndaluan një kamion pranë Castets, në rajonin Landes të Francës, i cili transportonte 130 kilogramë kokainë.
Pas procedurave standarde për raste të tilla, mjeti u sekuestrua në qytetin Dax dhe u vu nën vëzhgim.
Gjatë natës, tre persona me shtetësi shqiptare iu afruan kamionit dhe u arrestuan nga forcat e rendit. Ata u shoqëruan në paraburgim.
Duke pasur parasysh sasinë e drogës së sekuestruar, hetimi iu besua policisë gjyqësore të Bayonne, nën autoritetin e Juridiksionit të Specializuar Ndërrajonal (JIRS) të Bordosë. Gjykata e Bordosë konfirmon “se një çështje e kësaj natyre është marrë në dorë nga JIRS” dhe shton se “në këtë fazë është ende herët për të dhënë detaje të tjera”.
Sipas burimeve tona, seancat e paraburgimit nuk vërtetuan se tre shqiptarët kishin ardhur për të marrë ngarkesën.
Atëherë, atyre iu vendos një ndalim për të hyrë në qytetin e Dax (ku ishte sekuestruar kamioni), ndërsa njërit prej tyre iu dha urdhër për t’u larguar nga territori francez.
Marrë nga Sud Ouest
