Një ngjarje e rëndë është regjistruar mëngjesin e sotëm në fshatin Mengël në Elbasan. Ku një fëmijë vetëm 7 vjeç është përplasur për vdekje nga një mjet në rrugën Elbasan-Librazhd, nga një 61-vjeçar i identifikuar me inicialet P.B.
Sipas informacioneve paraprake fëmija ishte duke kaluar rrugën për në shkollë dhe në një moment i ka shpëtuar nga dora së ëmës duke u përplasur më pas nga një automjet. Policia po punon për zbardhjen e plotë të rrethanave të ngjarjes së rëndë.
Kujtojmë se më pak se një muaj më parë qyteti bregdetar i Durrësit u përgjak, pasi në zonën e ish-kënetës një aksident rrugor ka përfunduar me pasoja të rënda, duke i marrë jetën dy fëmijëve të mitur dhe duke lënë të plagosur rëndë një tjetër. Drejtuesi i automjetit në këtë rast, rezultoi të ishte i dehur dhe me shpejtësi të lartë.
Përsëritja e këtyre aksidenteve të rënda me pasojë vdekjen e të miturve ngre shqetësimin madhor në lidhje me sigurinë në rrugë.
Marrë nga Newsbomb.al
