Më 20 gusht, një delegacion nga ‘Flotilja Globale Sumud’ do të niset nga porti i Brindisit drejt ishullit të Sazanit, për t’ju bashkuar protestave kundër projektit turistik luksoz të lidhur me Jared Kushner, i cili parashikon transformimin e Sazanit dhe bregdetit të Zvërnecit.
Nisja nga Italia mbart një simbolikë të fortë, duke u lidhur me tridhjetëvjetorin e mbërritjes së anijes “Vlora” në Bari në vitin 1991. Në bordin e flotiljes do të jenë edhe fëmijë të emigrantëve të asaj kohe, të cilët rikthehen në Shqipëri në shenjë solidariteti me kauzën mjedisore.
Nisma i bashkohet lëvizjes protestuese “Revolucioni i Flamingove”, e cila ka zbritur qytetarët në rrugët e Tiranës dhe qyteteve të tjera kundër zhvillimeve turistike në zonat e mbrojtura natyrore.
Për ‘Flotiljen Sumud’, një koalicion humanitar ndërkombëtar i krijuar fillimisht për të thyer bllokadën e Rripit të Gazës, ky aksion shënon një zgjerim të mobilizimit të saj, duke krijuar një rrjet solidariteti midis betejave mjedisore, të drejtave të migrantëve dhe rezistencës ndaj projekteve të mëdha të pasurive të paluajtshme.
Marrë nga Dosja.al
