Qeveria italiane ka vendosur të ndërhyjë me dorë të hekurt ndaj fitimeve të sektorit financiar për të mbështetur shtresat më të brishta të shoqërisë.
Sipas Buxhetit për vitin 2027, i cili sapo i është dërguar zyrtarisht Komisionit Europian dhe Parlamentit italian, bankat dhe institucionet financiare italiane do të detyrohen të paguajnë 10 miliardë euro për të financuar masat e reja në ndihmë të familjeve dhe mirëqenies sociale.
Ky vendim përbën shtyllën kryesore të paketës së re fiskale prej 23,5 miliardë eurosh të prezantuar nga Ministria e Ekonomisë dhe Financave në Romë.
Në një kohë kur buxheti shtetëror paraqitet tejet i snallë dhe i kufizuar, qeveria e Kryeministres Giorgia Meloni ka zgjedhur një strategji të qartë: zhvendosjen e kapitaleve nga fitimet e mëdha bankare drejt xhepave të qytetarëve që po përballen me rënien e fuqisë blerëse.
Ku do të shkojnë paratë e marra nga bankat?
Sipas projektit të zbardhur nga mediat ekonomike italiane, fondet e mbledhura do të përdoren sipas një prioriteti të rreptë social.
Rreth 5 miliardë euro do të përdoren për transferta sociale dhe familjet. Ky kapitull do të jetë i dritares së parë të shpenzimeve, ku prioritet absolut do të ketë mbrojtja e fuqisë blerëse të familjeve më të brishta, me fokus të veçantë te ndihma për të moshuarit dhe personat me probleme shëndetësore.
Së dyti, jë pjesë e fondeve do të jepen për investime në sigurinë energjetike dhe infrastrukturën e ndërtesave publike, duke nisur nga modernizimi i rrjetit të shkollave, spitaleve dhe universiteteve.
Nga ana tjetër, rreth 3,4 miliardë euro do të shkojnë për të ndihmuar ndërmarrjet të përballen me kostot e larta të energjisë, përfshirë financimet për impiante fotovoltaike.
Sektori financiar në shënjestër: 10,5 miliardë euro për tre vite
Kontributi prej 5 miliardë eurosh nga bankat për këtë vit është vetëm hapi i parë i një plani më të gjerë, i cili parashikon që sektori financiar të derdhë në arkën e shtetit një total prej 10,5 miliardë eurosh përgjatë tre viteve të ardhshme.
Për të plotësuar pjesën tjetër të faturës, qeveria ka urdhëruar një shkurtim shpenzimesh prej 1,2 miliardë eurosh për ministritë dhe administratën publike, si dhe një taksim shtesë prej 700 milionë eurosh mbi sektorin e lojërave të fatit.
Për shkak të këtij shtrëngimi të madh të dhënave, qeveria italiane është detyruar të bëjë edhe lëshime, duke shtyrë për një kohë më të mirë premtimin për uljen e taksës mbi të ardhurat (Irpef) për shtresën e mesme.
Ky buxhet dëshmon se përballë rregullave të rrepta të Brukselit, Roma zyrtare ka vendosur të ndjekë një rrugë popullore: taksimin e bankave për të garantuar paqen sociale dhe mbijetesën e familjeve në vështirësi.
Marrë nga ANSA.it
