Një shpërthim me tritol ka ndodhur mbrëmjen e sotme në qytetin e Shkodrës. Bëhet me dije se shpërthimi ka ndodhur në një banesë në Unazën Perëndimore të qytetit të Shkodrës.
Konkretisht, lënda plasëse ishte vendosur në banesën e efektivit Ardian Beçina, polic i kriminalistikës.
Gjatë shpërthimit në banesë ka pasur edhe njerëz, por famirësisht ata nuk janë lënduar. Nga shpërthimi ka pasur vetëm dëme materiale.
Pas ngjarjes, forcat e Policisë kanë mbërritur në vendin e incidentit dhe kanë nisur hetimet për të zbardhur rrethanat, si dhe për të identifikuar autorët e mundshëm.
Paraprakisht, dyshohet se ngjarja mund të jetë e lidhur me detyrën e ekspertit të Policisë, por kjo pistë mbetet për tu verifikuar nga hetimet.
Ndërkohë, grupi hetimor po punon për mbledhjen e provave dhe dokumentimin e plotë të ngjarjes.
Marrë nga Dosja.al
