Kievi ka frikë se Trump do të hakmerret.
Ndërsa aleatët republikanë të ish presidentit të SHBA-së në Kongres vendosën frena në ndihmën ushtarake për Kievin, presidenti ukrainas Volodimir Zelenski tha se i nevojitet dëshpërimisht mbështetje, për të shmangur humbjen nga trupat ruse dhe është e qartë se vullneti i keq i Trump ndaj Ukrainës ka rrënjë të thella, sipas ‘Politico’.
Një telefonatë nga lideri i vendit ndërluftues Zelenski në dhjetor 2019 çoi në mocionin e parë të fajësimit kundër presidentit të atëhershëm të SHBA-së, i cili më pas u akuzua për përpjekje për të ndikuar në rezultatin e zgjedhjeve të vitit 2020, duke i bërë thirrje liderit ukrainas të kryente hetime për liderin aktual të SHBA-së, Joe Biden dhe djalit të tij, Hunter Biden.
Për të bërë këtë zbulim u përdor “Direktiva e Vëzhgimit të Huaj”, e cila zemëroi republikanin 77-vjeçar, i cili edhe sot e kësaj dite pohon se ishte përdorur për të spiunuar në mënyrë të paligjshme.
Në veçanti, miliarderi amerikan foli së fundmi për këtë incident, duke treguar se kreu i atëhershëm i fushatës së tij, Paul Manafort, ishte nën vëzhgim, gjë që nuk kaloi pa u vënë re nga ukrainasit.
Qeveria në Kiev po shikon me ankth fushatën zgjedhore në SHBA, duke pritur me ankth rezultatin e zgjedhjeve të nëntorit dhe çfarë do të thotë ajo për luftën e Ukrainës.
Skenari i zgjedhjes së Trump sjell terror tek ukrainasit, pasi ai u zotua t’i japë fund luftës 24 orë pas zgjedhjes së tij. Megjithatë, shumë besojnë se ai do t’ia japë Ukrainën, Rusisë.
Referimi i tij i fundit për incidentin me Manafort shkaktoi shqetësim të madh tek ukrainasit, duke treguar se ish presidenti amerikan nuk e ka harruar këtë çështje dhe mund të dëshirojë të hakmerret për atë që i ndodhi.
Në deklaratat e tij për Politico, biznesmeni ukrainas-amerikan, Lev Parnas, theksoi se Trump e urren Ukrainën, duke theksuar se ai dhe bashkëpunëtorët e tij të ngushtë besojnë se Ukraina ishte fillesa e të gjitha problemeve të tij.
Përfshirja e ish presidentit amerikan me Ukrainën daton që kur vendi nisi revolucionin e tij për t’u bashkuar me “familjen europiane”.
Përpara se Manafort të merrte detyrën si menaxher i fushatës së Trump, ai punoi në Ukrainë për ish presidentin Viktor Janukoviç, një politikan pro rus i cili u largua nga vendi në vitin 2014, pas protestave masive kundër vendimit të tij për të larguar Kievin nga Brukseli dhe për ta afruar atë me Moskën.
Gjatë demonstratave masive, selisë së partisë së Janukoviç iu vu zjarri.
Aty një aktivist ukrainas dhe ish deputet gjeti një libër që u bë i njohur si “Black Ledger”. Libri përmbante një listë të shkruar me dorë të pagesave sekrete të bëra nga partia e Janukoviç për zyrtarët ukrainas, prezantuesit televizivë, parlamentarët dhe gazetarët.
Emri i njeriut të Trump – Manafort – u shfaq 22 herë me tarifa totale prej 12.7 milionë dollarë.
Sipas autoriteteve antikorrupsion në Ukrainë, përfshirja e emrit të tij në libër nuk do të thoshte se atij i ishin dhënë shumat e raportuara, të cilat vetë Manafort mohoi t’i kishte marrë.
Përmendja e parë e Manafort ishte nga New York Times në gusht 2016, disa muaj para garës zgjedhore të Donald Trump kundër Hillary Clinton për presidencën amerikane.
Ishte një nga historitë e para që e lidhi amerikanin e pasur me Ukrainën dhe ndoshta Rusinë dhe aleatët e saj, një çështje që do ta mundonte atë gjatë gjithë mandatit të tij.
Aleatët e Trump e kanë paraqitur librin “Black Ledger” si jo autentik dhe madje një komplot të Partisë Demokratike për të njollosur imazhin e kundërshtarëve të tij.
Në fund të fundit, Paul Manafort u padit për gjithsej 12 akuza, duke përfshirë pastrim parash dhe evazion fiskal.
Megjithatë, akuzat nuk kishin lidhje me “Librin e Zi”, i cili nuk u përdor dot si provë ndaj tij.
Marrë nga Politico.eu
