Për herë të parë është publikuar një botim i krijuar tërësisht nga inteligjenca artificiale. Ky lajm u bë me dije nga gazeta italiane Il Foglio. Botimi në fjalë është pjesë e një eksperimenti një-mujor që synon të shqyrtojë ndikimin e teknologjisë AI në punën dhe jetën e përditshme.
Claudio Cerasa, theksoi se gazeta është krijuar nga AI për të gjitha elementet: shkrimet, titujt, përmbledhjet, madje edhe ironitë.
Gazeta është mbështjellë në fletët e gazetës tradicionale dhe është në dispozicion për lexuesit në stenda dhe online që nga e marta.
Organizatat e lajmeve në mbarë botën po diskutojnë se si duhet të inkorporojnë AI në procesin gazetaresk. Ndërkohë që gazetarët kanë një rol më të kufizuar, përfshirë bërjen e pyetjeve për AI dhe leximin e përgjigjeve, ky eksperiment pasqyron mënyrën se si AI mund të përfshihet në gazetari.
Ky hap përfaqëson një eksperiment të rëndësishëm për të kuptuar ndikimin e AI në gazetari dhe prodhimin e lajmeve, ndërsa Il Foglio e sheh këtë si një testim të mundësive të AI për të krijuar një gazetë të përditshme, me pyetje të thella që lidhen me natyrën e lajmeve dhe gazetarisë moderne.
Marrë nga Newsbomb.al
