Hekurudhat Gjermane (DB) po përgatit ankande të biçikletave të harruara në stacione anembanë vendit. Ky proces do të zgjasë deri në fund të majit në disa qytete, duke përfshirë Berlinin, Leipzig, Dresden dhe Mynih.
Njerëzit harrojnë ose lënë rreth 2,700 biçikleta në rreth 5,400 stacione treni në Gjermani çdo vit, tha një zëdhënëse e DB.
Rreth gjysma nuk pretendohet nga askush. Pas dhjetë javësh ruajtje, biçikletat në gjendje të keqe dërgohen për riciklim dhe ato të përdorshme dalin në ankand.
Çmimi i shitjes në ankande varet nga modeli dhe gjendja e biçikletës individuale. Çmimi mesatar është rreth 60 euro, por ndonjëherë, edhe pse rrallë, një biçikletë elektronike shkon deri në 300 euro, tha përfaqësuesi i DB.
Ankandet në qytete tërheqin shumë palë të interesuara dhe konkurrenca për ato të mira mund të jetë e ashpër. Mundësia më e mirë është për ata që kanë ardhur për të marrë një biçikletë për fëmijë, sepse kërkesa për to është e ulët.
Marrë nga DPA.de
