Gjykata Penale e Brukselit dënoi dje 119 persona si pjesë e gjyqit për përgjimet në aplikacionin “Sky ECC”. Mësohet se në total, gjykata penale e Brukselit dha rreth 700 vite burg dhe urdhëroi konfiskimin e rreth 60 milionë eurove, pa llogaritur bonot që do të mbeten në duart e gjykatave.
Sipas mediave vendase, bëhet fjalë për një nga rastet më të mëdha të drogës në Belgjikë, me dënime deri në 17 vjet burg dhe konfiskime masive. Gjithashtu bëhet me dije se autoritetet belget kanë kërkuar arrestimin e 58 personave, të cilët deri tani ishin hetuar në gjendje të lirë.
Dyshohet se këta persona, mes të cilëve shumë shqiptarë, mund të arratisen ose të kryejnë sërish vepra penale. Konfiskimet kapin pjesë e fitimeve të nxjerra nga trafikantët kur shesin kokainë dhe kanabis në Evropë, por këto fitime shpesh janë riinvestuar në pasuri të paluajtshme, veçanërisht jashtë vendit.
