Koreja e Veriut ka ekzekutuar 30 nxënës të shkollës së mesme të shpallur fajtorë se kanë parë filma të Koresë së Jugut.
Filmat thuhet se ishin ruajtur në USB-të që qarkullonin nga dezertorët e Koresë së Veriut.
Ekzekutimi i adoleshentëve raportohet që të ketë ndodhur gjatë javës së kaluar.
Autoritetet e Koresë së Veriut kontrollojnë rreptësisht dhe ndëshkojnë ashpër banorët bazuar në tre të ashtuquajturat ligjet “e liga”.
Një prej tyre është Akti Reaksionar i Ideologjisë dhe Refuzimit të Kulturës i Koresë së Veriut, i cili i ndalon individët të shpërndajnë materiale që kanë origjinën në Korenë e Jugut, SHBA ose Japonia.
Ky nuk është rasti i parë që koreano-veriorët thuhet se vriten për lidhjen e tyre me përmbajtje nga fqinji i tyre jugor.
Sipas një raporti të Sekretarit të Përgjithshëm të OKB-së të vitit 2022, një burrë në provincën Kangwon u vra nga një skuadër pushkatimi pasi njësia e vëzhgimit të lagjes e pa duke shitur përmbajtje dixhitale nga Koreja e Jugut.
