Një ndërprerje masive e energjisë elektrike ka goditur sot Spanjën dhe zona të mëdha të Portugalisë dhe Francës jugore, duke “paralizuar“ shërbime kyçe. Arsyet e ndërprerjes masive nuk dihen ende.
Linjat telefonike janë ndërprerë në të gjithë Spanjën. Autoriteti spanjoll i trafikut iu ka bërë thirrje popullatës që të mos përdorin automjetet nëse e kanë nevojë emergjente. Sistemi hekurudhor është paralizuar, me rrjetin kombëtar spanjoll që njoftoi se të gjithë trenat janë ndalur në stacione dhe nuk ka nisje.
Gjithashtu u goditën edhe aeroportet Barajas në Madrid dhe ai i Lisbonës në Portugali. Metrotë e Madridit dhe Barcelonës janë ndalur. Probleme me trafikun janë raportuar edhe nga Sevilja, Barcelona, Valencia dhe Pamplona. Qeveria në Madrid ka thirrur një takim urgjent në selinë e Red Eléctrica në përpjekje për të koordinuar përgjigjen ndaj ndërprerjes së gjerë të energjisë që pësoi vendi.
Mediat lokale raportojnë se pasojat e ndërprerjes së energjisë në Spanjë kanë prekur edhe disa komuna në jug të Francës, jo shumë larg kufirit spanjoll, veçanërisht në Occitania, në zonën e Perpignan. Pak pas orës 14:10, burime nga operatori i rrjetit Rte raportuan se furnizimi me energji elektrike në jug të Francës po rikthehet.
Operatori spanjoll i rrjetit Red Electrica njoftoi se ka aktivizuar planet për të rivendosur furnizimin me energji elektrike: “Shkaqet janë duke u analizuar dhe të gjitha burimet po përdoren për ta zgjidhur atë.”
Rreth orës 13:40 , Red Electica tha se kishte filluar rivendosjen e energjisë elektrike duke filluar në veri dhe në jug të Gadishullit Iberik.
Sipas gazetës portugeze Expresso, operatori portugez i rrjetit E-Redes tha se ndërprerja ishte për shkak të “një problemi me sistemin evropian të energjisë elektrike” dhe se ishte detyruar të ndërpresë energjinë në zona të veçanta për të stabilizuar rrjetin.
Instituti Kombëtar për Sigurinë Kompjuterike (Incibe) po vlerëson atë që ndodhi për të kuptuar nëse ishte një sulm kibernetik. Ministri portugez për Kohezionin Territorial nuk përjashton gjithashtu një sulm kibernetik. “Ekziston kjo mundësi, por nuk është konfirmuar”, tha Manuel Castro Almeida për RTP, televizionin shtetëror portugez.
Dyshimet e para për shkaqet: Pista kryesore sulmi kibernetik!
Juanma Moreno, Presidente e Qeverisë Rajonale Andaluziane u tha mediave se pavarësisht se nuk kishte asnjë komunikim nga qeveria apo ndonjë siguri, “vetëm bazuar në të dhënat nga Andaluzia, një ndërprerje e kësaj natyre mund të ishte një sulm kibernetik”.
Në këtë linjë, një dështim në një nënstacion ose linjë energjie mund të shkaktojë ndërprerje kaskadë që prekin disa qytete ose lagje të tëra. Një qark i shkurtër, një dështim i izolimit ose një dështim i thjeshtë mekanik në një transformator mund të jetë i mjaftueshëm për të shkaktuar ndërprerje, edhe pa shkaqe meteorologjike.
Për momentin nuk dihet nëse ky është shkaku. Sulmet kibernetike: Hakimet e synuara kundër sistemeve elektrike, janë një shqetësim i madh për qeveritë dhe kompanitë e energjisë.
Qeveria spanjolle ka nisur një hetim për këto ndërprerje, duke shfrytëzuar ekipe teknike nga disa ministri. Deri më tani, autoritetet nuk kanë dhënë asnjë shpjegim për ngjarjen. Instituti Kombëtar i Sigurisë Kibernetike (INCIBE) po analizon gjithashtu situatën për të përcaktuar nëse mund të jetë një sulm kibernetik, por deri më tani nuk ka arritur në ndonjë përfundim.
Por ka dhe shumë faktorë që mund të shkaktojnë një dështim të rrjetit të energjisë: mbingarkesat, qarqet e shkurtra, dështimet e nënstacionit ose problemet me linjat e tensionit të lartë. Një arsye tjetër mund të lidhet me konsumimin e infrastrukturës: pajisjet e vjetra ose të mirëmbajtura keq mund të dështojnë papritur, edhe për shkak të gabimit të mundshëm njerëzor.
Spanja ka një rrjet të gjerë dhe kompleks të energjisë elektrike, i operuar kryesisht nga Red Eléctrica de España (REE) për transmetim dhe nga kompani të ndryshme shpërndarjeje (Endesa, Iberdrola, Naturgy, etj.). Ngjarjet ekstreme të motit: stuhi, rrufe, uragane, valë të nxehti ose të ftohta intensive që dëmtojnë infrastrukturën.
Marrë nga Marca.es
