Një pjesë e madhe e Londrës qendrore mbeti pa energji elektrike të hënën në mëngjes, pas dëmtimit të një kablloje nëntokësore të energjisë.
Problemet nisën rreth orës 10:32, ndërsa ndërprerja preku edhe stacionin London Liverpool Street, ku ekranet u fikën dhe pati ndërprerje në zyrat dhe bizneset përreth.
Deri në orën 12:09, furnizimi me energji elektrike ishte rikthyer për të gjithë klientët, më herët se parashikimi fillestar i kompanisë, që e kishte vendosur rikthimin e plotë mes orës 12:00 dhe 13:00.
UK Power Networks deklaroi se inxhinierët arritën të anashkalonin defektin në rrjetin nëntokësor dhe u bëri thirrje klientëve që ende kanë probleme me furnizimin të kontaktojnë kompaninë.
Marrë nga BBC
