Shkencëtarët në Kinë pretendojnë se kanë krijuar një krem kundër diellit që mund të ulë temperaturat e trupit deri në gjashtë gradë Celsius.
Siç raporton e përditshmja ”South China Morning Post”, sipas një studimi në Universitetin e Tsinghuas me qendër në Pekin, kremi i diellit është krijuar për të mbrojtur lëkurën pasi ndryshimet klimatike kanë rezultuar në temperatura më të larta në mbarë botën.
”Ne kemi përgatitur një krem dielli freskues, i cili jo vetëm që mund të ulë ndjeshëm temperaturën e lëkurës, por gjithashtu mbron lëkurën nga dëmtimi nga rrezatimi ultravjollcë”, theksoi hulumtimi.
Më tej, thuhet se produkti ka ”potencial premtues tregtar në tregun e kremrave të diellit”.
Zhang Rufan, një nga studiuesit, tha se njerëzit duhet të përshtaten pasi ndryshimi i klimës çon në mot më ekstrem, por shtoi ai, përshtatja ndaj nxehtësisë është më sfiduese sesa përballja me të ftohtin.
”Ne mund të veshim rroba të trasha për të qëndruar ngrohtë në temperatura të ftohta. Por, në nxehtësi ekstreme më të lartë se 50 gradë Celsius, punëtorët në natyrë si policia e transportit, punonjësit e rrugëve dhe fermerët duhet të përballen me kushte të rënda që mund të çojnë në stres të nxehtësisë, rraskapitje ose vdekje. Ata kanë nevojë për metoda efektive të ftohjes dhe mbrojtje të lëkurës”, tha Zhang.
Marre nga Albinfo.h
