Një e papritur e rrallë shënoi një telefonatë video-konferencë midis presidentit ukrainas Volodymyr Zelensky dhe gazetarëve, pasi diskutimi u ndërpre nga një telefonatë prej Emmanuel Macron.
Në një video të postuar në X, Zelensky shihet duke u pyetur nga një gazetare kur papritmas merr celularin dhe dëgjohet duke thënë: “Më falni Emmanuel, kam një bisedë me gazetarët, a mund t’ju telefonoj për 15-20 minuta?”
Pas 1-2 sekondash në të cilat me sa duket dëgjoi përgjigjen pozitive të presidentit francez, Zelensky dëgjohet duke thënë “po, të lutem, faleminderit Emmanuel, mirë, mirë, mirëudëgjofshim”.
Gazetarët që morën pjesë në konferencën më pas e pyetën Zelensky nëse Emmanuel Macron ishte vërtet në anën tjetër të linjës, me presidentin ukrainas duke u përgjigjur pozitivisht.
“Po, sapo fola me presidentin Macron. Ne flasim shumë shpesh, pothuajse një herë në ditë,” sqaroi Volodymyr Zelensky.
Një e tillë skenë ofron dhe dyshime për një sajesë teatrale, që jo domosdoshmërisht mund të ketë qenë e tillë. Kjo, kur mendon se Zelensky ishte një aktor me famë para se të bëhej president, madje duke luajtur rolin e një presidenti.
Marrë nga Tesheshi.com
