Një skandal i ri rrezikon të zhysë më thellë në telashe presidentin e FIFA, Gianni Infantino. Një hetim i kryer nga e përditshmja britanike ‘The Times’ e akuzon kreun e qeverisë së futbollit botëror se ka përfituar miliona dollarë të padeklaruar nga FIFA përtej pagës bazë dhe bonuseve të parashikuara në kontratën e tij.
INFANTINO DHE PAGA E DYTË E FSHEHUR
‘The Times’ kujton se që nga 2016, FIFA ka premtuar të publikojë çdo vit pagat e presidentit dhe sekretarit të përgjithshëm. Por mesa duket Infantino ka pasur dy burime ‘të ndryshme’ të ardhurash; një ishte publik dhe burimi tjetër i padeklaruar. Burimi i parë i të ardhurave nga qeveria e futbollit botëror në Zvicës, është i deklaruar në bilancin financiar vjetor të institucionit, ndërsa pagesa e dytë vinte nga kompania organizatore të Botërorit në SHBA, pa u deklaruar kurrë.
Një pjesë e kësaj pagesë mësohet se shkoi për të mbuluar shpenzimet e qirasë për një vilë në lungomaren e një prej zonave më ekskluzive te Miami Beach, në Sunset Islands, një kompleks rezidencial i rrethuar dhe i mbikëqyrur i përbëre nga 4 ishuj artificialë.
E kontaktuar nga ‘The Times’, FIFA nuk e konfirmoi këtë rrethanë, ashtu sikurse nuk dha asnjë shpjegim në lidhje me pagesat e padeklaruara të Infantinos. Në të njëjtën përgjigje, Federata Ndërkombëtare e Futbollit nuk sqaroi se përse shuma të tilla nuk ishin të deklaruara në raportin vjetor. Ndërsa burime, të kontaktuara nga ‘The Times’, bëjnë të ditur se Infantino, shifra të tilla të ngjashme i ka përfituar edhe për vitet 2025 e 2026.
Marrë nga The Times
