Stuhia e rrallë e dëborës godet jugun e SHBA-së, raportohen 4 viktima

Një stuhi e rrallë dimri po sjell borë dhe shi të ngrirë në pjesë të jugut të thellë të SHBA-së, duke mbyllur autostradat dhe aeroportet në Teksas dhe duke shkaktuar një paralajmërim të parë për stuhi në Luizianën jugperëndimore.

Katër persona mendohet se kanë vdekur nga ekspozimi ndaj të ftohtit deri më tani dhe dy raste po hetohen si të lidhura me të ftohtin nga autoritetet e Austin në Teksas, ndërsa dy vdekje nga hipotermia u raportuan në Georgia dhe Milwaukee .

Më shumë se 2,200 fluturime brenda SHBA-së u anuluan të martën dhe 3,000 të tjera u vonuan, sipas gjurmuesit në internet Flight Aware.

Stuhia që godet tani jugun e SHBA filloi në Teksas të hënën në mbrëmje dhe parashikohej të përhapej drejt lindjes deri të mërkurën në mëngjes përgjatë Interstate 10, një autostradë kryesore në rajon.

Në pasditen e së martës stuhia u zhvendos në Gjeorgji, krahinën e Floridës dhe Karolinën Veriore dhe Jugore.

Guvernatori i Floridës Ron DeSantis deklaroi se infrastruktura e Floridës ishte “projektuar ndryshe” sesa në shtetet që shohin rregullisht borë.

“Ne nuk jemi mësuar të ecim në një vend të çudirave dimërore këtu në Florida,” tha ai.

Moti ekstrem pjesë e një mase ajri shumë të ftohtë që ka zbritur në jug dhe lindje të SHBA-së, parashikohet të vazhdojë edhe gjatë dy ditëve në vijim.

Marrë nga Balkanweb.com