Zyrtarët nga qeveria e formuar nga Talebanët në Afganistan kanë ndaluar gratë të punojnë si spikere lajmesh dhe prezantuese në televizion.
Dekreti është nxjerrë nga Ministria për Promovimin e Virtytit dhe Parandalimin e Veseve, ku thuhet se dalja e femrave në ekranet televizive është “provokim për meshkujt”.
Ministria ka dërguar një paralajmërim për të gjitha mediat, duke kërkuar respektimin e direktivës së re. Megjithatë, përfaqësuesit e lëvizjes radikale nuk kanë komentuar ende raportin e gazetës Hasht-e Subh.
