Ish-presidenti amerikan, Donald Trump, reagoi ashpër ndaj drejtorit të FBI-së, Christopher Wray, pas deklaratave të tij gjatë një seance dëgjimore në Kongres.
Përpara të pranishmëve, Wray tha se nuk dihej nëse Trump ishte goditur në vesh nga një plumb apo nga një cifël.
“Drejtori i FBI-së, Christopher Wray i tha Kongresit dje se ai nuk ishte i sigurt nëse isha goditur nga një cifël, nga xhami apo nga plumbi (FBI as që e kontrolloi kurrë!), por ai ishte i sigurt se Joe Biden mashtruesi ishte fizikisht dhe konjitivisht “pa probleme”. Gabim!”,” shkroi Trump në faqen e tij në rrjetet sociale.
“Jo, për fat të keq ka qenë një plumb që më ka goditur veshin dhe e ka goditur fort. Nuk ka pasur xhama, nuk ka pasur cifla. Spitali e ka quajtur “plumb në vesh”, dhe kështu ka qenë. Nuk është çudi që FBI-ja e ka humbur besimin e Amerikës!” shtoi Trump.
Ish-presidenti u plagos në një atentat që për pak mund t’i kishte rrezikuar jetën.
Ai u trajtua në një spital aty pranë vendit ku ndodhi atentati.
