Divizioni i makinave të pasagjerëve të prodhuesit gjerman të makinave luksoze Mercedes-Benz të enjten raportoi një rënie prej 40.5% në të ardhurat vjetore dhe tha se priste të ardhura dukshëm më të ulëta në vitin 2025 ndërsa punon për të rritur konkurrencën dhe për të ulur kostot.
Grupi, që shkurtoi udhëzimet dy herë vitin e kaluar, parashikoi që shitjet e vitit 2025 të jenë pak më poshtë se niveli i vitit të kaluar dhe një fitim nga shitjet prej vetëm 6-8% në sektorin e tij të makinave, nga 8.1% në 2024.
Fitimet e grupit para interesit dhe taksave (EBIT) ranë në 13.6 miliardë euro në 2024, ndërsa shitjet ranë me 4.5% në 146 miliardë euro.
Prodhuesi i makinave luksoze do shpallë hollësitë më vonë të enjten për planet për të rifreskuar linjën e saj të modeleve dhe për të ulur kostot e prodhimit me 10% deri në vitin 2027 në një rinovim strategjie për të cilën shefi ekzekutiv Ola Kaellenius tha se synon “të sigurojë konkurrencën e ardhshme të kompanisë në një botë të pasigurt”.
Bordi i kompanisë do propozojë një dividend prej 4.30 eurosh për aksion, nga 5.30 në vitin 2023.
Marrë nga Reuters
