Ulja e çmimeve të karburanteve dje nuk zgjati as 24 orë. Bordi i Transparencës ka vendosur këtë të enjte shtrenjtimin e naftës me 7 lekë për litër dhe të benzinës me 3 lekë, duke fshirë lehtësimin e djeshëm për konsumatorët.
Sipas vendimit të sotëm, nafta do të tregtohet me çmim tavan 217 lekë për litër, ndërsa benzina me 193 lekë për litër. Çmimet e reja hyjnë në fuqi sot në orën 12:00 dhe mbeten të vlefshme deri në mbledhjen e ardhshme të Bordit.
Vetëm dje, Bordi kishte ulur çmimet me 3 lekë për litër, duke e çuar naftën në 210 lekë dhe benzinën në 190 lekë. Ai vendim nisi efektet më 7 tetor, në orën 11:30.
Me ndryshimin e sotëm, rritja e naftës është më shumë se dyfishi i uljes së djeshme. Benzina rikthehet në çmimin që kishte përpara uljes, ndërsa nafta e tejkalon atë nivel me 4 lekë për litër.
Për një furnizim me 50 litra, rritja e çmimit tavan përkthehet në 350 lekë më shumë për naftën dhe 150 lekë më shumë për benzinën, krahasuar me dje.
Ndryshimet prekin edhe tregtimin me shumicë. Çmimi maksimal i naftës caktohet në 205 lekë për litër, ndërsa ai i benzinës në 181 lekë për litër.
Marrë nga Skyweb.,al
