Katër shqiptarë janë burgosur në Britani pas një aksioni të policisë që zbuloi drogë me vlerë 10 milionë paund.
Policia e Mançesterit u informua rreth një shqiptari që besohej se kontrollonte një serë në prodhimin në shkallë të gjerë të kanabisit në të gjithë Mançesterin e Madh dhe si rezultat ndërmori një hetim të fshehtë proaktiv midis majit dhe nëntorit 2023.
Këtë herë, ekipi i policisë britanike u thellua në hetime për zbulimin e “kokave” të kësaj industrie të paligjshme, dhe jo thjesht kapjen e punëtorëve të kultivimit të kanabisit.
Emrat dhe dënimet:
Riza Hodaj, 39 vjeç, me banim në Beech Mount, Harpurhey – Shtatë vjet burg
Henri Shperdhea, 35 vjeç me banim në Denton Lane, Chadderton – Dy vjet e tre muaj burg
Armando Xhemalaj, 32 vjeç, me banim në Barracks Road, Bickershaë – Dy vjet e tre muaj burg
Gjykata ka urdhëruar edhe sekuestrimin e aseteve të tyre me vlerë rreth 90 mijë paund.
Gjatë këtij aksioni të policisë britanike u shkatërrua rrjeti i madh i kultivimit dhe shitjes së kanabisit, që përllogaritet me vlerë rreth 10 milionë paund.
