Përdoruesit e Microsoft raportuan këtë të martë probleme me Outlook, Minecraft dhe shërbime të tjera.
Këto probleme vijnë dy javë pasi një ndërprerje e madhe globale e IT-së la mbi tetë milionë kompjuterë që përdorin sistemet e Microsoft-it në “black out”, duke ndikuar në një sërë fushash, pas një përditësimi të gabuar të softuerit nga firma e sigurisë kibernetike CrowdStrike.
“Ekspertët tanë aktualisht po hetojnë situatën për ta zgjidhur sa më shpejt të jetë e mundur”, shkruan kompania në një postim në X, ku i kërkon falje përdoruesve për shqetësimin e krijuar.
