Kryetari i Bashkisë së Tiranës, Erion Veliaj, i cili po drejton insitucionin nga qelia ka shkaktuar “tërmet”, duke firmosur disa ndryshime të rëndësishme. Kryebashkiaku, ka shkarkuar nga detyra disa administrator të njësive në kryeqytet. Megjithatë këto ndryshime ende nuk janë konfirmuar zyrtarisht nga Bashkia e Tiranës.
Bëhet me dije se drejtuesit e njësisë 5, Piro Jani dhe Florian Pullazi janë larguar nga detyra. Nga ana tjetër, administratorja e njësisë numër 1, Trëndelina Jaku, është emëruar drejtore e Agjencisë së Mbrojtjes së Konsumatorit, ndërsa administratori i Kasharit, Xhevahir Koçi, është emëruar drejtor i Agjencisë së Parqeve dhe Rekreacioneve.
Julinda Dhame, e cila njihet si një nga bashkëpunëtorët e tij më të afërta, përgjatë dy mandateve në Bashki është emëruar këshilltare e Veliajt është caktuar nënkryetare e Bashkisë. Deri tani Këshilli Bashkiak i Tiranës nuk ka bërë një kërkesë për delegimin e kompetencave të Veliajt te një prej nënkryetarëve, gjë e cila sjell që drejtimi i punëve të kryeqytetit, të vijojë të bëhet në korrespodeëncë nga paraburgimi.
Marrë nga Dosja.al
