Donald Trump shënoi ditën e djeshme një fitorike historike në zgjedhjet presidenciale të SHBA-së. Ndonëse në tre shtete ende nuk është përfunduar procesi i numërimit, duke mos u ditur edhe ndarjen e plotë të 538 votave elektorale, ajo çfarë dihet është se Trump siguroi shumicën që duhej.
Rreth 93 për qind e votave janë numëruar në shtetin e Nevadës (6 vota kolegji elektorale) dhe 70 për qind në Arizona (11 vota), një tjetër shtet i pavendosur. Nëse i fiton këto dy, Trump do të ketë siguruar të 7 shtetet e pavendosura. Në Alaska (3 vota) gjithashtu mbeten për t’u numëruar të gjitha votat, ku vetëm 72 për janë numëruar atje.
Ndërkohë presidenti aktual i SHBA-së, Joe Biden do të mbajë edhe një deklaratë publike, pasi Trump u zgjodh pasardhësi i tij. Biden e ka dhënë një deklaratë, lidhur me zgjedhjet, por kjo do të jetë hera e parë që ai do të flasë publikisht. Në deklaratën e djeshme, ai e përshkroi Kamala Harris si një partnere të jashtëzakonshme dhe një person që e admironte thellësisht.
Një zyrtar tha më herët se Trump po priste me padurim një takim me Biden së shpejti në Zyrën Ovale. Presidenti i zgjedhur dhe ai aktual do të takohen së bashku, ndërsa administratat fillojnë procesin e ndryshimit të udhëheqësit.
