Iftuar në Hard Talk të BBC-së, presidenti serb Aleksandar Vuçiç promovoi idenë e ‘Serbisë së Madhe’.
Por në emisionin e njohur për pyetjet e forta e të drejtpërdrejta, ai u pyet për Srebrenicën, Kosovën dhe bashkëpunimin me Rusinë dhe kur Stephen Sackur përmendi se Serbia de facto e njeh Kosovën, Vuçiç u nervozua. Presidenti serb këtë nuk e pranoi, e nënvizoi po ashtu se nuk heq dorë nga partneriteti me Rusinë.
Vuçiç: “Ne kurrë nuk e kemi njohur Kosovën. Kjo nuk është thënë apo shkruar asnjëherë. Ne po përpiqemi të jetojmë në paqe”.
Vuçiç mesazh kërcënues: Jeta është luftë, Serbia do të fitojë
Stephen Sackur, gazetar i BBC: “Është e qartë se Serbia nuk do të jetë anëtare e Bashkimit Evropian derisa ta njohë Kosovën”.
Vuçiç: “NATO ka thyer të gjitha rregullat duke bombarduar Serbinë dhe se vendet evropiane që e njohin Kosovën po shkelin Rezolutën 1244 dhe në këtë mënyrë sipas tij ‘duke shkelur kufijtë kushtetues të Serbisë”.
“Ideologjikisht ishim të përkushtuar ndaj idesë së Serbisë së Madhe. Ideja që e çoi Ballkanin në kohë të errëta, në luftë, në krime lufte dhe humbje jetësh. Nuk më vjen turp, e pranoj se kam ndryshuar, por nuk jam dakord me ju se kush është fajtori për problemet në Ballkan dhe shpërbërja e Jugosllavisë, nuk e kam fjalën vetëm për problemet e brendshme në Jugosllavi, por edhe ndaj rolit të Perëndimit jam pjekur, jam i rritur dhe duhet të kujdesem për njerëzit e mi”, u shpreh ai, duke nënvizuar se ka qenë gjithmonë i gatshëm të pranoj se Srebrenica ishte e tmerrshme.
Marrë nga Gazeta-shqip
