Me kërkesë të SPAK Gjykata e Posaçme në Tiranë pushoi hetimet për korrupsion në zgjedhje të një dosjeje që ishte kallëzuar nga Partia Demokratike dhe që bënte fjalë për hetimet për krime elektorale që i përkasin zgjedhjeve lokale të 14 majit 2023.
Fillimisht rezulton sipas burimeve pranë prokurorisë së Vlorës se çështja u verifikua dhe u hetua nga prokuroria lokale që konstatoi se nuk kishte prova penale dhe për këtë shkak i mbylli pa të hetuar hetimet.
Kërkesa për pushim të hetimeve është paraqitur në gjykatë në 18 prill dhe Pasi ka vlerësuar dhe shqyrtuar argumentet, gjyqtarja Rudina Palloj ka vendosur të pranojë kërkesën e SPAK duke vendosur ‘Pushimin e procedimit penal me nr. 46, të vitit 2025, të Prokurorisë së Posaçme kundër Korrupsionit dhe Krimit të Organizuar, regjistruar për veprat penale “Shpërdorim i detyrës” dhe “Korrupsion aktiv në zgjedhje”, të parashikuara respektivisht nga nenet 248 dhe 328 të K.Penal, pasi në referim të nenit 328, pika 1, shkronja b) të K.Pr.Penale, pasi faktet dhe rrethanat që rezultojnë nga provat nuk përmbajnë elementë të veprës penale”.
Marrë nga Top Channel
