Kandidati i koalicionit “Bashkë Fitojmë” për bashkinë e Himarës, Petro Gjikuria ka kallëzuar në Prokurorinë e Posaçme kandidatin e Partisë Socialiste, Vangjel Tavon.
Kallëzimi nga ana e Gjikurisë është bërë, pasi ai pretendon se Tavo ka transferuar në mënyrë të paligjshme gjendjen civile nga Dropulli në Himarë. Për më shumë se një javë Himarë do të zgjedhë kryebashkiakun e ri.
KALLËZIM PENAL
KALLËZUES: Petraq Gjikuria i biri Epminonda dhe Zaharrulla i datelindjes 08.08.1964 lindur dhe Banues ne Dhermi Himare me shtetesi Shqiptare dhe Amerikane, Kandidati per Kryetar Bashkie ne zgjedhjet vendore te dates 4 gusht ne Himare.
OBJEKTI:
KUNDER: Vangjel Tavo, ish-Prefekt I Qarkut Vlorë, Kandidat i Partise Socialiste ne zgjedhjet vendore per Bashkine Himare me banim ne Palase Himare.
Grigor Tavo, Harrallamb Tavo, Pavllo Tavo, Redjan Gjini, Eftalia Gjini, Nisli Gjini, Mustafa Gjini, Fatbardha Gjini, Bleona Gjini, Ahilea Kristofor Decka, Eli Vasil Decka, Eli Taqi Decka, Kristina Ahilea Decka te gjithe banues ne Borsh Himare.
Drejtuar : Prokurorise se Posacme Kunder Korrupsionit dhe Krimit te Organizuar
I Nderuar z./znj/Prokuror/e
Une kallezuesi jam regjistruar si kandidati i Opozites se Bashkuar ne zgjedhjet e pjesshme vendore per Bashkine Himare qe do te mbahen ne daten 4 gusht 2024.
Edhe komuniteti i OMONIA-s ka denoncuar më 22 korrik një listë sipas tyre që Vangjel Tavo i ka regjistruar si votues në Himarës, me qytetarë jo të Himarës por qyteteve tjera si Sranda, Dropulli apo Tepelena. Në deklaratën e Omonias thuhet se ka regjistruar në Borsh të Himarës familjen e vëllait të vet, Grigor Tavos. Gjithashtu thuhet se ka ka regjistruar edhe familjen e ish-kryetarit të bashkisë Dropull, Ahilea Kristofor Decka. Ata shprehen se këta persona as nuk jetojnë dhe as nuk kanë banesa në Himarë, por kanë ardhur të manipulojnë zgjedhjet.
Zgjedhjet në Himarë u caktuan pasi më 5 korrik KQZ vendosi t’i heqë mandatin kryebashkiakut të zgjedhur të Himarës Fredi Belerit. Atë ditë, Beleri, i pranishëm në mbledhje, por dhe mbrojtësit e tij, mbështetën idenë se Komisioni Qendror i Zgjedhjeve nuk mund të shprehej për këtë rast, pa një vendim të Qeverisë që e shkarkonte atë nga detyra. Por sipas kreut të KQZ, Ilirjan Celibashi, vendimi mbështetej në të ashtuquajturin Ligj të Dekriminalizimit. Me urgjencë, Qeveria kërkoi më pas shpalljen e zgjedhjeve të reja në Himarë, nga presidenti, i cili po ashtu me shpejtesi dekretoi 4 gushtin si ditën e votimit.
