Kryeministri çek, Andrej Babis është bërë viral në rrjete sociale, pasi njoftoi se kishte blerë një glob të shtrenjtë për të “gjetur Groenlandën”.
“E kam blerë këtë glob për 15,000 koruna (720 dollarë), një glob të bukur dhe të madh, për të parë saktësisht se ku ndodhet kjo Groenlandë”, u tha Babis gazetarëve të hënën kur u pyet për politikën e qeverisë së tij mbi përçarjen SHBA-Danimarkë.
Të martën, Babis shkoi një hap më tej në një video në Facebook ku u ankua se hartat konvencionale shtrembëronin faktet gjeografike.
Në rrjet kanë shpërthyer komentet me tone kritike ndaj Babis. Një përdorues i X me emrin “BezeLzi” (“NoLies”) tha se Babis duhet të kërkojë edhe për Ukrainën në mënyrë që të “mësojë se sa afër është lufta”, pasi ai kishte refuzuar ndihmën ushtarake për Kievin që luftonte një pushtim rus që nga viti 2022.
Manjati 71-vjeçar drejton një qeveri koalicioni me tre parti, përfshirë euroskeptikë dhe politikanë të ekstremit të djathtë.
Ambicia e Trumpit ka tronditur NATO-n dhe ka shkaktuar probleme për Babisin, një të vetëshpallur “Trumpist”, i cili shpenzoi qindra dollarë për një glob dhe postoi në mediat sociale rreth kësaj.
Marrë nga Zëri.al
