Kryeministri i ri i Hungarisë, Peter Magyar tha se do të pezullojë funksionimin e transmetuesit shtetëror MTVA, duke e akuzuar atë për përhapje propagande dhe pretendimesh të rreme rreth familjes së tij gjatë fushatës zgjedhore.
Kryeministri i zgjedhur i Hungarisë, Péter Magyar, njoftoi planet për të pezulluar transmetuesin kombëtar pas formimit të qeverisë, pas një paraqitjeje shumë të tensionuar në televizionin publik hungarez të mërkurën në mëngjes.
Mediat e huaja shkruajnë se, Magyar, fituesi i madh i zgjedhjeve të së dielës së kaluar, ka akuzuar prej kohësh median shtetërore për paragjykime kundër partisë së tij. Magyar dha dy intervista së pari në radion publike dhe më pas në televizion të cilat rezultuan në debate të nxehta, ndërprerje dhe akuza të ndërsjella.
“Një element i programit tonë është që kjo fabrikë gënjeshtrash do të mbyllet sapo të formohet një qeveri Tisza. Transmetimi i lajmeve të rreme këtu duhet të ndalet dhe ne do të krijojmë kushte të pavarura, objektive dhe të paanshme për t’i dhënë fund kësaj propagande”, tha Magyar në televizionin shtetëror, duke akuzuar transmetuesin për përhapjen e informacionit të rremë rreth tij dhe fyerjen e familjes së tij gjatë fushatës zgjedhore.
Ai gjithashtu pretendoi se MTVA kishte transmetuar më parë raportime mashtruese në lidhje me Gjermaninë, duke përfshirë pretendimet se vendit i mungon qasja në internet. Prezantuesi mohoi që MTVA kishte shkelur ndonjë ligj.
Marrë nga CNN.com
