Mosbindja civile që ka përfshirë këtë të martë të gjithë Tiranën, ka gjetur jehonë në mediat e mirënjohura ndërkombëtare.
Asocciated Press ka pasqyruar protestën e mijëra qytetarëvve që bllokuan akset kryesore të kryeqytetit duke vënë në dukje thirrjet e opozitës shqiptare për një kabinet të ri teknik deri në zhvillimin e zgjedhjeve parlamentare të vitit 2025.
“Qindra mbështetës të opozitës bllokuan trafikun në kryqëzimet kryesore të Tiranës duke akuzuar Partinë Socialiste të kryeministrit Edi Rama për korrupsion, manipulim të zgjedhjeve të mëparshme dhe uzurpim të gjyqësorit”-thekson prestigjozja amerikane.
“Rama largohu” ishte thirrja e përsëritur nga protestuesit. Oficerët e policisë përdorën pistoleta uji të montuara në kamionë për të mbajtur protestuesit larg Bashkisë dhe Sheshit Ëilson, si dhe gaz lotsjellës në një zonë tjetër.”-raportoi televizioni amerikan ABC News .
Po ashtu edhe gjigandi informativ Reuters teksa ka ndjekur nga afër zhvillimet gjatë protestës anti-qeveritare në Shqipëri, citon Sekretarin e Përgjithshëm të Partisë Demokratike Flamur Noka që deklaron se revolta dhe mosbindja civile e shqiptarëve nuk mund të ndalet.
Më tej, Huston Chronicle, Toronto Star, WDRB e shumë media të tjera ndërkombëtare kanë zbardhur zhvillimet e fundit në Shqipëri, duke theksuar se rrugët kryesore të Tiranës u paralizuan nga protesta e opozitës kundër keqqeverisjes së Edi Ramës.
