Presidenti hungarez, Tamas Sulyok, u ka rezistuar thirrjeve të kryeministrit të ri, Peter Magyar për të dhënë dorëheqjen, në një intervistë të publikuar të hënën.
Duke i quajtur zgjedhjet një “votë për ndryshim regjimi”, Hungaria ka shtuar presionin mbi Sulyok të mbështetur nga Fidesz dhe zyrtarë të tjerë, për të dhënë dorëheqjen deri në fund të majit.
“Unë i mbetem besnik betimit tim dhe për sa kohë që ushtrimi i detyrës sime nuk është i pamundur, kam ndërmend të përmbush mandatin që kam marrë përsipër”, ka deklartuar ai.
Roli i presidentit në Hungari është kryesisht ceremonial, megjithëse Sulyok mund të kthejë ligjet në parlament për rishqyrtim ose të paraqesë legjislacionin në Gjykatën Kushtetuese, duke penguar potencialisht përpjekjet e reformës së Magyarit.
Sulyok ka thënë në intervistën për Index.hu se presidenti duhet të shprehë unitetin e kombit dhe kundërshtoi sugjerimet se zgjedhjet ishin një ndryshim regjimi, por më tepër një ndryshim qeverie.
Ndërkaq Magyar ka thënë se nëse Sulyok nuk jep dorëheqjen, ai do të përdorë mandatin e madh të partisë së tij për të ndryshuar kushtetutën dhe legjislacionin tjetër për ta detyruar të largohet nga detyra.
Në një përgjigje ndaj intervistës së Sulyok, Magyar ka thënë në Facebook të hënën se Hungaria kishte nevojë për një president jo besnik ndaj asnjë kampi politik dhe përsëriti se presidenti ishte një “kukull e sistemit të dështuar”.
“Duhet të ikësh! Dhe do të ikësh”, ka deklaruar Magyar.
Marrë nga Index.hu
