Presidenti i Hungarisë ka nënshkruar një ligj të propozuar nga partia qeverisëse e kryeministrit Viktor Orban, që do të ndalojë komunitetet LGBTQ+ të mbajnë marshimin e tyre vjetor.
Ky vendim ka marrë kritika nga organizatat e të drejtave të njeriut, të cikat thonë se kufizon lirinë e tubimit.
Protestuesit bllokuan një urë në qendër të Budapestit të martën në mbrëmje pasi parlamenti miratoi masën.
Ligji ndalon marshimin me arsyetimin se mund të konsiderohet i dëmshëm për fëmijët. Ai gjithashtu thotë se policia mund të përdorë kamerat e njohjes së fytyrës për të identifikuar njerëzit që marrin pjesë në ngjarje dhe për të vendosur gjoba për pjesëmarrësit.
Orban, i cili po përballet me një ekonomi në vështirësi dhe një sfidë të paprecedentë nga një parti e re opozitare përpara zgjedhjeve të vitit 2026, ka qenë prej kohësh kritik ndaj komunitetit LGBT.
Politikat e tij shpesh e vënë atë në kundërshtim me pjesën tjetër të Bashkimit Evropian.
Hadja Lahbib, komisioneri i BE-së për barazinë, tha në X se “e drejta për t’u mbledhur në mënyrë paqësore është një e drejtë themelore për t’u mbrojtur në të gjithë Bashkimin Evropian”.
Organizatorët thanë se planifikonin të vazhdonin me marshimin e këtij viti – të planifikuar për 28 qershor, pavarësisht ndalimit.
Orban, në detyrë që nga viti 2010, është zotuar gjithashtu të godasë financimin e huaj të mediave të pavarura dhe OJQ-ve, i inkurajuar nga lëvizjet e aleatit të tij, presidentit të SHBA-së, Donald Trump.
Marrë nga Opinion.al
