Sipas sekretarit të Shtetit në SHBA, Marco Rubio, operacioni “Epic Fury”, ofensiva e përbashkët SHBA-Izrael kundër Iranit, ka përfunduar.
Ai tha se objektivat e operacionit janë arritur dhe se faza ofensive e luftës ka mbaruar. Rubio theksoi se presidenti amerikan preferon tani një marrëveshje me Iranin, përfshirë një marrëveshje mirëkuptimi mbi rihapjen e plotë të Ngushticës së Hormuzit, por shtoi se deri tani Teherani nuk ka zgjedhur këtë rrugë.
Rubio u shpreh se SHBA-të po punojnë për të kaluar anijet e bllokuara në Ngushticë si një “favor për botën”, duke theksuar se ato mbajnë mallra jetike si karburant, plehra dhe ndihmë humanitare për vende të tjera. “
Janë anijet e tyre që kanë ngecur, jo tonat”, tha ai, duke shtuar se vetëm SHBA mund të projektojë pushtet në atë rajon.
Më parë, Emiratet e Bashkuara Arabe njoftuan se kishin kapur 15 raketa iraniane dhe katër dronë, duke sinjalizuar se sulmet nga Teherani po vazhdojnë.
Kujtojmë se Ngushtica e Hormuzit është një arterie jetike për tregtinë globale të energjisë, dhe çdo përshkallëzim i armiqësive mes SHBA-së dhe Iranit mund të çojë në pasoja të rënda për ekonominë botërore. Për momentin, pa lëshime nga të dyja palët, një rikthim i përplasjeve në shkallë të plotë mbetet vetëm një incident larg.
Marrë nga Associated Press
