Qeveria e Spanjës prezantoi sot një plan prej 9 miliardë eurosh për të mbështetur tranzicionin energjetik, kryesisht përmes subvencioneve për rinovimin e shtëpive dhe miratimit të një bilete sezonale praktikisht falas për transportin publik.
“Duhet t’u sjellë dobi të gjithëve”, shtoi ai gjatë prezantimit të projektit të ri, i cili do të bashkëfinancohet nga Bashkimi Evropian.
Spanja është në vijën e parë të frontit të ngrohjes globale, me valë të nxehta që po bëhen më të gjata dhe më të shpeshta, që në pranverë, por edhe me vjeshta dhe dimra më të lagësht se më parë.
Më hollësisht, 4.7 miliardë euro nga “plani social për klimën” do të ndahen kryesisht për përmirësimin energjetik të shtëpive dhe lagjeve, ndërsa 4.3 miliardë euro do të investohen në lëvizshmëri, duke përfshirë miratimin e një bilete speciale sezonale që do të lejojë përdorimin pothuajse falas të transportit publik.
Megjithatë, miratimi i këtij plani kërkon shumicën në parlament, të cilën qeveria aktuale nuk e ka.
“Na duhet mbështetja e të gjitha grupeve parlamentare”, tha Sanchez, duke përfshirë edhe opozitën e djathtë dhe të ekstremit të djathtë.
Sipas qeverisë, fondet e Fondit Evropian për Klimën Sociale kërkojnë përfshirjen e direktivave evropiane në ligjin kombëtar dhe përputhjen me rregulloret evropiane.
Marrë nga Euronews.com
