Zëvendëspresidenti amerikan, JD Vance, ka kritikuar aleatët evropianë për mosndihmë në stabilizimin e tregjeve botërore të energjisë.
Në një konferencë për media të enjten, Vance u pyet nga gazetarët se kur mund të presin amerikanët çmime më të ulëta të karburanteve.
“Po, çmimet e benzinës janë të larta në SHBA, por ato janë edhe më keq kudo tjetër në botë. Pse është detyrë e Shteteve të Bashkuara të Amerikës të jenë i vetmi vend në botë që mund të sigurojë që tregjet botërore të energjisë të mbeten të furnizuara?”, është shprehur ai.
Sipas Vance, këto çmime mund të kishin qenë shumë më të larta nëse do të mungonin përpjekjet e SHBA-së.
Sa i përket negociatave me Iranin, Vance ka thënë se vendet nuk po flasin dhe nuk do të flasin derisa Irani të ndalojë të shtënat ndaj anijeve tregtare.
Marrë nga Associated Press
