Kolegji Zgjedhor ka miratuar afatet procedurale që lidhen me zgjedhjet e pjesshme për kryetar në Bashkinë Himarë, që do të zhvillohen më datë 4 gusht 2024.
Bashkia Himarë dhe institucionet e saj të varësisë, janë të detyruara të raportojnë në Komisionin Qendror të Zgjedhjeve, të gjitha veprimtaritë me karakter publik që planifikojnë të zhvillojnë në periudhën 26 korrik deri më datë 4 gusht.
Të njëjtin detyrim kanë edhe institucionet publike qendrore, organet e tyre të varësisë dhe degët e tyre vendore, si dhe agjencitë dhe/ose ndërmarrjet shtetërore.
Partitë politike, të cilat kanë të drejtë të paraqesin anëtarë në KQV, jo më vonë se data 19 korrik, ndërsa emërimi i tyre duhet të bëhet jo më vonë se data 20 korrik.
Sa i përket anëtarëve në GNV emrat duhet të dorëzohen deri në 24 korrik dhe emërimi i tyre duhet të bëhet deri në 25 korrik.
Partitë duhet të regjistrohen si subjekte zgjedhore jo më vonë se ora 16:00 e datës 22 korrik, ndërsa koalicionet duhet të paraqesin kërkesën për regjistrimin jo më vonë se ora 12:00 e 24 korrik-ut.
Dokumentet e kandidimit paraqiten në KZAZ jo më vonë se ora 16.00 e datës 25 korrik, ndërkohë, fushata zgjedhore për Bashkinë Himarë, fillon zyrtarisht më datë 27 korrik.
