Biznesmeni i shumëkërkuar i SPAK Ergys Agasi është dërguar ditën e sotme në paraburgimin e Bradasheshit në Elbasan. Pas arrestimit të tij dy ditë më parë në Durrës, Agasit i është caktuar masa e sigurisë arrest me burg nga GJKKO.
Ndërkohë që deri në përfundim të hetimeve dhe gjykimit, Agasi pritet që të qëndrojë në paraburgimin e Bradasheshit, nëse nuk i ndryshohet masa e sigurisë.
Si u arrestua Agasi?
I shumëkërkuari nga SPAK për abuzimet me tenderët e AKSHI-t, Ergys Agasi, u arrestua nga policia në zonën e Plepave në Durrës, pasi u lokalizua fillimisht në Elbasan. Bashkë me të u prangos edhe ish-efektivi i policisë, Uljan Shpataraku. Agasi akuzohet se në bashkëpunim me Ermal Beqirajn, i arrestuar pak javë më parë në Francë, krijoi një grup të strukturuar kriminal për manipulimin e tenderëve publikë përmes korrupsionit, dhunës dhe pengmarrjes.
Në kuadër të kësaj dosje, ish-drejtoreshës së AKSHI-t i është lehtësuar masa e sigurisë në “detyrim paraqitje”. Pas arrestimit të Agasit dhe ish-efektivit Uljan Shpataraku në Plepa të Durrësit, policia ushtroi kontroll blic me urdhër të SPAK-ut në banesën e Shpatarakut te “Liqeni i Thatë” për të sekuestruar prova elektronike e dokumente lidhur me dosjen e AKSHI-t.
Marrë nga Dosja.al
