Sot, më 25 nëntor, mundohemi të rrisim zërin tonë në Ditën Ndërkombëtare Kundër Dhunës ndaj Grave. Kjo ditë u shpall nga Kombet e Bashkuara në vitin 1999, në kujtim të grave të vrara në vitin 1960 në Republikën Domenikane.
Ditën Ndërkombëtare Kundër Dhunës ndaj Grave ka për qëllim të rrisë ndërgjegjësimin mbi dhunën që u bëhet grave në çdo aspekt të jetës, nga dhuna fizike dhe emocionale deri te dhuna ekonomike dhe seksuale.
Statistikat e viteve të fundit nga OKB, janë shqetësuese.
Vendi më i rrezikshëm për femrat, sipas statistikave të OKB, është shtëpia e tyre. Edhe në Gjermani dhuna ndaj gruas është prezente. Gati çdo ditë një femicid, sipas statistikave.
Dhuna ndaj grave ka qenë një problem global që prek miliona gra çdo vit. Statistikat tregojnë se një në tre gra është e ekspozuar ndaj dhunës gjatë jetës së saj.
OKB vlerëson se deri në 70 për qind e grave vuajnë nga dhuna seksuale, fizike ose psikike të paktën një herë në jetën e tyre.
Në vitin 2022, 48.800 gra në botë u shuan nga kjo dhunë, sipas OKB. Edhe në Gjermani gati çdo ditë një grua vritet nga partneri, sipas autoriteteve. Çdo tre minuta një grua apo një vajzë përjeton dhunë.
Dita Ndërkombëtare kundër Dhunës ndaj gruas u thirr për herë të parë në vitin 1981 nga gratë në Karaibe dhe Amerikën Jugore. Gratë përkujtuan me këtë ditë tre motra që jetonin në Republikën Domenikane që u rrëmbyen, përdhunuan dhe u vranë. Patricia, Minerva dhe Maria Teresa Mirabal vdiqën më 25 nëntor 1960 nga dhuna e ushtarëve të regjimit famëkeq Trujillo, i njohur si regjim diktatorial dhe brutal. Në vitin 1999 kjo ditë aksioni u njoh zyrtarisht nga OKB. Në deklaratat ndërkombëtare dhuna ndaj gruas sot klasifikohet si shkelje e të drejtave të njeriut.
25 Nëntorit konsiderohet si ditë aksioni kundër dhunës ndaj grave dhe kërkon të tërheqë vëmendjen kudo në botë për dhunën ndaj tyre.
Synimi është denoncimi i dhunës në familje, si edhe dhuna kundër gruas në luftëra apo kur janë në arrati. Protesta e grave sot drejtohet kundër abuzimit dhe përdhunimit, kundër martesave të detyruara dhe prostitucionit të detyruar.
Kjo situatë e trishtueshme kërkon veprime urgjente dhe të përbashkëta nga shoqëria, qeveritë dhe organizatat ndërkombëtare. Të gjithë ne kemi një rol në luftimin e kësaj dhune.
Marrë nga Newsbomb
