Dega e Omonias në Himarë u bën thirrje banorëve të fshatrave të bregut të jugut që të ngrihen kundër një vendimit të Komisionit të Investimeve Strategjike, në varësi të qeverisë shqiptare, për dhënien e 77 mijë metrave tokë “Lukova Bayside Hotel & Spa”.
Kjo kompani zotërohet nga Turjan Hysko dhe ish-kryebashkiaku i Vorës, Brahimaj, të cilët do të ndërtojnë në Lukovë dy hotele dhe një fshat të madh turistik.
Dega e Omonias akuzon kryeministrin Edi Rama dhe qeverinë e tij se është duke u bërë peshqesh mijëra m2 tokë të banorëve të bregut të jugut, zyrtarëve të Partisë Socialiste. Sipas këtij grupimi, këto lëvizje janë pjesë e planit për grabitjen e pronave të banorëve vendas.
“Ky vendim eshte prova e rradhes se perse u vodh 2 here mandati i Kryebashkiakut te Himares dhe perse Rama emeroi kukullen Tavo ne Bashki”, thotë reagimi. “Lukoviote, reagoni sa s’eshte vone! Po reaguat ju, Hekurani dhe Turjani skane per ta gezuar kete peshqesh te Rames”, përmbyllet ai.
