Debate të forta në Senatin Italian, ku Kryeministrja Italiane Giorgia Meloni po referon mbi qëndrimin e Italisë në prag të Samitit të ardhshëm të vendeve anëtare të Bashkimit Europian, më 17-18 tetor në Bruksel.
‘Kërkojmë të dimë se sa kushton transferimi i azilkërkuesve me anijen e parë që u nis për në Shqipëri me 16 emigrantë në bord, duke pasur parasysh numrin e vogël të tyre e anijen e madhe me të cilën transportoheshin’, u shpreh Stefano Graziano, kreu i grupit të PD-së në komisionin parlamentar të mbrojtjes.
“Mendoj, tha ai se qeveria po con dëm paratë publike në vend që të përdoreshim për shërbime të tjera, për shëndetësinë, për politikat sociale’.
Ndërsa për Kryeministren Italiane. ‘Italia ka dhënë një shembull të mirë me arrritjen e Protokollit Itali-Shqipëri, për përpunimin e kërkesave për azil në territorin shqiptar, e nën juridiksionin italian dhe evropian. Dy strukturat e parashikuara nga Protokolli – Qendra Shëngjin dhe qendra Gjadër janë gati dhe funksionale’.
‘Ne morëm më shumë kohë, tha ajo, që gjithçka të bëhej në mënyrën më të mirë të mundshme, por jemi shumë të kënaqur me rezultatet e kësaj pune. Gjithashtu dua të falënderoj veçanërisht ministrin Crosetto, Piantedosi dhe Nordio, nënsekretarin Mantovano dhe Ambasadën tonë në Shqipëri. të cilën e ndoqën hap pas hapi zbatimin e protokollit’.
‘Është një rrugë e re, e guximshme, e paprecedentë, por që pasqyron në mënyrë perfekte frymën europiane dhe që ka të gjitha kredencialet për t’u ndjekur edhe me vendet e tjera joanëtare të BE-së’, vazhdoi Meloni, duke falënderuar gjithashtu kryeministrin shqiptar Rama ‘dhe të gjithë. Qeverinë e tij që ka besuar, bashkë me ne, në mirësinë dhe efektivitetin e kësaj nisme’.
