Një konflikti i dhunshëm mes një shqiptari dhe një shtetasi gjerman ka ndodhur në Gjermani. Rasti i tyre ka përfunduar në gjykatë, ku autoritetet gjermane kanë shpallur të pafajshëm një 40-vjeçar nga Karlsruhe. Ai ishte akuzuar për plagosjen e një shqiptari pas një konflikti për një vend parkimi.
Ngjarja ndodhi më 22 maj, rreth orës 13:00, në parkingun e një filiali të Kaufland në Rastatt. Sipas dëshmive, konflikti nisi pasi dy automjete pretenduan të njëjtin vend parkimi. Sipas shqiptarit, 40-vjeçari e kishte goditur me kokë në hundë, duke i shkaktuar dëmtim. Ai kishte paraqitur në polici një fotografi dhe një raport mjekësor si prova.
Por versioni i të akuzuarit ishte ndryshe, pasi ai deklaroi se shqiptari ishte afruar gjithnjë e më shumë dhe se, pasi të dy ata kishin qëndruar ballë për ballë, ai e kishte shtyrë me të dyja duart për ta larguar. Në gjykatë, një police dëshmoi se shqiptari ishte afruar me kokën drejt të akuzuarit, duke shtuar se nuk kishte vënë re ndonjë dëmtim të jashtëm.
Gjykatësja Nadine Höh, pasi shqyrtoi fotografinë e paraqitur si provë deklaroi se nuk mund të dallonte ndonjë dëmtim. Për shkak se shqiptari nuk u paraqit vetë në gjykatë dhe në vend të tij erdhi djali i tij, ai nuk mund të merrej në pyetje drejtpërdrejt për ngjarjen. Në përfundim, gjykata e shpalli 40-vjeçarin të pafajshëm.
Marrë nga Bnn.de
