Nëse sipas INSTAT një familje shqiptare në vitin 2024 shpenzoi mesatarisht 93 mijë lekë në muaj, as 0.3% e këtyre shpenzimeve mujore nuk shkoi për sigurimin e pronave. Ndërsa, në anën tjetër, rreziqet nga ngjarjet aksidentale dhe katastrofat natyrore janë në shtim. Këtë fakt e vërejmë edhe në raportin e 6-mujorit të parë të vitit 2026 të industrisë së sigurimeve, sipas të cilit dëmshpërblimet për pronën u rritën me 84.18% krahasuar me një vit më parë, dëshmi dykahëshe kjo: si për shtimin e dëmeve në vend, ashtu edhe për rritjen e mbështetjes nga kompanitë për rreziqet e siguruara.
Alarmet nga kontinenti
Neglizhenca e qytetarëve shqiptarë nuk përligjet nga shifrat zyrtare dhe alarmet bien edhe ndërkombëtarisht. Sistemi evropian për monitorimin e zjarreve në pyje, EFFIS, e përfshin Shqipërinë në zonat me rrezik të mesëm deri të lartë nga zjarret natyrore. Rasti i flakëve në Malin e Krujës nuk la shumë vend për diskutim. E gjithë Evropa gjendet në alert zjarresh dhe ndihma ndërshtetërore në periudha si këto bëhet e pamundur dhe rëndësia e mekanizmit të mbrojtjes financiare përmes sigurimit e pazëvendësueshme. Nga ana tjetër, si për ta mbështetur këtë nevojë, zjarret aksidentale po raportohen përditë në kronika lajmesh të mediave vendase, sidomos me ardhjen e sezonit turistik.
Qendrat kontinentale të specializuara për sizmiologji, EFEHR Risk Maps, e rendisin Shqipërinë ndër 5 vendet evropiane me rrezikun me të larte nga tërmeti ne Evropë. Edhe për sa u takon përmbytjeve situata nuk është më premtuese.
Platforma profesionale FloodMap, rreth 1/5 e territorit shqiptar, veçanërisht Ultësirën Perëndimore, e klasifikon në rrezik konstant përmbytjesh.
PELR, Pan-European Landslide Risk, si platformë veçon të paktën 2/5 e territorit të vendit si me rrezik mesatar të lartë ose të lartë për rrëshqitje dherash.
Me fjalë të tjera, Shqipëria është e ekspozuar ndaj të gjitha risqeve natyrore dhe aksidentale në pronë. Statistikat nuk e përkrahin neglizhencën e shqiptarëve për të siguruar pronën e tyre, veçanërisht përpara faktit se secili prej këtyre risqeve është i sigurueshëm.
Studimi i tregut vendas të sigurimeve
Sigurime.Online, portali i specializuar për fushën e sigurimeve dhe risigurimeve, vlerëson se sigurimi i pronës mbetet ndër instrumentet më pak të përdorura të mbrojtjes financiare në Shqipëri. Sipas tyre, nëse ritmi i dëmeve të 6-mujorit të parë të vitit vijon edhe në pjesën e dytë, ekspozimi potencial ndaj dëmeve të pasiguruara mund të arrijë rreth 164 milionë euro (si faturë minimale), për familjet dhe bizneset përgjatë vitit 2026.
Ky studim u bë sipas një simulimi ekonomik konservator dhe u bazua në të dhënat e AMF, INSTAT dhe të dhëna historike të industrisë, duke supozuar se frekuenca dhe madhësia mesatare e dëmeve do të mbeten të ngjashme me 6-mujorin e parë dhe se ekspozimi mesatar është i njëjtë për njësitë e siguruara dhe ato të pasiguruara.
Përfitimet nga sigurimi i pronës
Në Shqipëri, kompani si SIGAL ofrojnë mbulim te specializuar për secilin nga rreziqet nga të cilat rrezikohet vendi. Pasi dëmi ndodh, sigurimi ndihmon në rikthimin e shpejtë në normalitet përmes dëmshpërblimit, sipas kushteteve të dakordësuara paraprakisht përmes kontratës me siguruesin dhe mbulimit të policës. Mbi 1 në 3 dëmshpërblime qe industria e sigurimeve me 8 kompani operuese pagoi për dëmet në pronë, në 6 muajt e parë të vitit 2026, u paguan nga SIGAL INSURANCE GROUP. SIGAL INSURANCE GROUP pranon në sigurim edhe objekte me vlerë limit të mbulimit 70 milionë euro, falë bashkëpunimit me kompani lider në Botë për risigurime.
Vetëm në 6 muajt e parë të vitit 2026 kompania u pagoi klientëve të vet 144.7 milionë lekë nga 407.7 milionë që dëmshpërbleu i gjithë tregu me tetë kompani operuese. Kompani si SIGAL INSURANCE GROUP i ofrojnë tregut vendas produktet me standardet më të larta dhe të njëjta me Perëndimin, si edhe dëmshpërblime të shpejta dhe korrekte. Neglizhenca për të siguruar pronat, përballë rreziqeve që listuam më sipër dhe mundësive që ofron tregu, nuk përligjet nga asnjë faktor.
Marrë nga Lapsi.al
