ampionët e Kosovës, FC Ballkani fituan 1-2 me Santa Coloman në ndeshjen e parë në 1/8 e fazës kualifikuese në Ligën e Kampionëve.
Ndeshja nisi me një ritëm të qetë, por që vendasit kaluan në epërsi në minutën e 22-të. Youssef El Ghazoui ishte ai që shënoi për 1-0, duke e lënë Enea Koliçin pa mundësi për të reaguar.
Ballkani u rikthye pas vetëm 20 minutash, kur shënoi për 1-1 me anë të Lindron Emerllahut, që realizoi nga penalltia.Bernard Karrica ishte heroi i Ballkanit, kur realizoi për përmbysjen 1-2 në minutën e 90+2, për t’i siguruar kampionëve të Kosovës një fitore tejet të rëndësishme.
Ballkani do të luajë edhe ndeshjen e kthimit, por tani si vendas, duke synuar që të mbyllë kalimin në turin tjetër kualifikues në Ligën e Kampionëve.
